Ramin Bayramlı: "Kütləvi tədbirlər və toyların gələn ay da keçirilməsi məqsədəuyğun deyil"

İyunda kütləvi tədbirlərin, o cümlədən toyların keçirilməsi məqsədəuyğun deyil.

NUHÇIXAN İnformasiya Agentliyinin məlumatına görə, bunu Tibbi Ərazi Bölmələrini İdarəetmə Birliyinin (TƏBİB) sədri Ramin Bayramlı Nazirlər Kabineti yanında Operativ Qərargahın bu gün keçirilən brifinqində deyib.

Onun sözlərinə görə, iyun ayında belə tədbirləri keçirmək tövsiyə edilmir: "Amma iyunun 1-dən böyük ticarət mərkəzlərinin açılması barədə qərar qəbul edilə bilər. Çimərliklərin açılmasında da bir problem görmürük. Çimərlik sahələrində ən önəmli məsələ sosial məsafənin gözlənilməsidir".