İbrahim Məmmədov: Toy mərasimlərinin keçirilməsi hələlik mümkün deyil

Sərbəstlik artdıqca koronavirusa yoluxanların sayı artır. Buna görə də toy mərasimlərinin keçirilməsinə başlamaq hələlik mümkün deyil.

NUHÇIXAN İnformasiya Agentliyinin məlumatına görə, bunu bu gün Nazirlər Kabineti yanında Operativ Qərargahın keçirdiyi brifinqdə Nazirlər Kabinetinin Mətbuat xidmətinin rəhbəri İbrahim Məmmədov deyib.

Onun sözlərinə görə, yoluxmaların sayı artmasaydı, toylar mərasimlərinə icazə verilə bilərdi: "Amma bu gün 230 yoluxma qeydə alınıb. Buna görə də toylara icazə verilməsi riskdir. Əgər yoluxma sayı azalarsa, bu məsələyə baxıla bilər"