Naxçıvanın təbii mineralı-seolitdən bəhs edən məqalə ABŞ-da işıq üzü görüb
Bu barədə NUHÇIXAN İnformasiya Agentliyinə Bölmənin Beynəlxalq əlaqələr və informasiya şöbəsindən məlumat verilib . ABŞ-ın nüfuzlu “Şüşə və keramika” (Glass and Ceramics) jurnalında dərc olunan “Naxçıvanın təbii mineralı əsasında fojazit tipli seolitin sintezi və tədqiqi” adlı məqalənin müəllifi AMEA-nın Naxçıvan Bölməsinin Təbii Ehtiyatlar İnstitutunun Sorbsiya prosesləri laboratoriyasının rəhbəri, kimya üzrə fəlsəfə doktoru, dosent Günel Məmmədovadır.
Naxçıvan Muxtar Respublikasının təbii mineralı əsasında geniş praktiki əhəmiyyətə malik fojazit tipli seolitdən bəhs olunan məqalədə təbii minerallar əsasında aparılan tədqiqatların nəticələri, onların fiziki-kimyəvi xassələri işıqlandırılıb.