TƏBİB: Naxçıvana bileti olan vətəndaşlar test edildikdən sonra ev karantininə göndəriləcək

COVID-19 testindən keçən hava yolu sərnişinlərinin karantinə alınması haqqında qəbul olunmuş qayda ölkə daxilindəki uçuşlara şamil edilir. Ölkə xaricinə uçuşlar haqqında olan qaydalar isə təsdiqlənəndən sonra məlum olacaq.

NUHÇIXAN İnformasiya Agentliyi xəbər verir ki, bunu bu gün Nazirlər Kabineti yanında Operativ Qərargahın təşkil etdiyi mətbuat konfransında Tibbi Ərazi Bölmələrini İdarəetmə Birliyinin (TƏBİB) Xəstəliklərin profilaktikası və kontrolu şöbəsinin müdiri Yaqut Qarayeva deyib.

Onun sözlərinə görə, Naxçıvana gedən və oradan gələn sərnişinlər dövlət hesabına testdən keçirildikdən sonra ev karantininə alınacaqlar.