“Şahbuz Dövlət Təbiət Qoruğunda” səyyari seminar-müşavirə keçirilib - FOTOLAR

Naxçıvan Muxtar Respublikasının Fövqəlаdə Hаllаr və Ekоlоgiyа və Təbii Sərvətlər  nаzirliklərinin birgə  təşkilatşılığı ilə“Şahbuz Dövlət Təbiət Qoruğunda” səyyari seminar-müşavirə baş tutub.

Fövqəladə Hallar Nazirliyinin mətbuat xidmətindən NUHÇIXAN İnformasiya Agentliyinə verilən xəbərdə bildirilir ki, tədbir  Muxtar respublika ərazisində yerləşən meşələrdə, meşə ətrafı sahələrdə və xüsusi mühafizə olunan təbiət ərazilərində yanğın təhlükəsizliyi tədbirlərinin həyata keçirilməsi məqsədilə baş tutub.

Tədbirdə çıxış edənlər  meşələrdə, meşə ətrafı sahələrdə və xüsusi mühafizə olunan təbiət ərazilərində yanğın təhlükəsizliyi tədbirlərinin həyata keçirilməsi məqsədilə görülmüş işlər və qarşıda duran vəzifələrdən danışıblar. Bildirilib ki, isti yay günlərində vətəndaşlar yanğın təhlükəsizliyi qaydalarına ciddi riayət etməlidirlər.

Tədbirin sonunda Şahbuz Dövlət Təbiət Qoruğunda fəaliyyət göstərən könülü yanğın komandasına əməli köməklik göstərilib, baş verəbiləcək yanğın hadisələrinin qarşısının cəld və çevik alınması məqsədilə heyətin döyüş hazırlığı yoxlanılıb.