Naxçıvanda yarmarkaya 50 tona yaxın məhsul çıxarılıb - FOTOLAR
NUHÇIXAN İnformasiya Agentliyi xəbər verir ki, Naxçıvan şəhərinin Xətai küçəsindəki Mərkəzi Bazarda kənd təsərrüfatı məhsullarının növbəti satış yarmarkası təşkil olunub. Yarmarkaya muxtar respublikamızın bütün bölgələrindən 220-i artıq ailə təsərrüfatçısı tərəfindən 50 tona yaxın 236 çeşiddə keyfiyyətli məhsullar çıxarılıb. Mövsümlə əlaqədar daha çox gündəlik ərzaq və tələbat malları, xüsusilə də kənd təsərrüfatı məhsulları çoxluq təşkil edib.
Qeyd edək ki, mövsümlə əlaqədar satışa çıxarılan kənd təsərrüfatı məhsulları həm də muxtar respublikada ərzaq təhlükəsizliyinin təmin edilməsinin real göstəriciləridir.
Məhəmməd Fərəcov