Ev şəraitində görmə qabiliyyətini yaxşılaşdırmaq üçün yeni üsul kəşf edilib

478

London Universitet Kollecinin əməkdaşları tünd qırmızı işıqla üç dəqiqəlik bir terapiyanın zəif görmə qabiliyyətini ciddi şəkildə yaxşılaşdıra biləcəyini müəyyən ediblər.

NUHÇIXAN İnformasiya Agentliyi news.ru saytına istinadla xəbər verir ki, əməkdaşlar apardıqları tədqiqat zamanı 28-72 yaş arasında görmə problemi yaşamayan 12 kişi, 12 qadın olmaqla 24 nəfər seçiblər. Təcrübədən əvvəl, bütün iştirakçıların gözlərinin çubuqlar və konuslara həssaslığı sınaqdan keçirilib. Sonra onlara iki həftəboyu gündə üç dəqiqə baxılmalı 670 nanometr uzunluğunda olan tünd qırmızı şüalı kiçik diod işıqlı bir fənər verilib. Çubuqlar və konusların həssaslığı yenidən ölçüldükdən sonra 670 nanometr məsafədəki işığın gənc subyektlərə təsir etmədiyi məlum olub, lakin yaşı təxminən 40 və daha yuxarı olan iştirakçıların görmə qabiliyyətlərində ciddi yaxşılaşma müşahidə edilib.

Həmin yaşda təcrübədən keçənlərdə konusların rəng kontrastına göz həssaslığı (rəngləri tanıma qabiliyyəti) 20 faiz artıb. Ən əhəmiyyətli inkişaf rəng spektrinin mavi hissəsinə qarşı olub. Zəif işıqda görmək qabiliyyəti də artıb.

Alimlərin qənaətinə əsasən, yeni kəşf evdə göz terapiyasının inkişafına zəmin yarada bilər.

Digər xəbərlər

Xəbərin mətnində orfoqrafik səhv var

Seçilən mətn düzəliş üçün göndəriləcək: