Biçindən sonra taxıl sahələrinin yandırılması yanğın təhlükəsizliyi baxımından yol verilməzdir
Naxçıvan Muxtar Respublikası Fövqəladə Hallar Nazirliyinin mətbuat xidmətindən NUHÇIXAN İnformasiya Agentliyinə bildirilib ki, Şərur rayon Məmmədsabir kəndində keçirilən seminar-müşavirə belə adlanır.
Tədbirdə nazirliyin əməkdaşları muxtar respublika ərazisində yanğın təhlükəsizliyinin təmin edilməsi və xüsusilə taxıl sahələrinin biçindən sonra yandırılmaması istiqamətində görülmüş işlər haqqında məlumat veriblər.
Həmçinin ot-taxıl biçini dövründə vətəndaşlar tərəfindən yanğın təhlükəsizliyi qaydalarının pozulması və biçindən sonra sahələrin yandırılmasına görə tətbiq olunan inzibati məsuliyyət növləri haqqında da vətəndaşlar məlumatlandırılıb.
Seminar-müşavirənin sonunda iştirakçılara “Ot-taxıl biçini zamanı yanğın təhlükəsizliyi qaydaları” mövzusunda tövsiyə xarakterli yaddaş kitabçaları təqdim edilib.