Sağlamlıq imkanları məhdud uşaqlar Ağbulaqda istirahət ediblər - FOTOLAR
NUHÇIXAN xəbər verir ki, “Yay məktəbi”nin növbəti mərhələsində 1 həkim, 4 nəzarətçi və valideynlər olmaqla sağlamlıq imkanları məhdud 39 uşaq iştirak edib.
Sağlamlıq imkanları məhdud uşaqlar asudə vaxtlarının səmərəli keçməsi məqsədilə uşaqlar arasında dama və boccia üzrə yarış keçirilib. Qaliblər diplom və hədiyyələrlə təltif olunublar. Sağlamlıq imkanları məhdud şəxslərdən ibarət “İnam” musiqi qrupunun konserti və Məhəmməd Tağı Sidqi adına Naxçıvan Dövlət Kukla Teatrının kollektivinin “Qoğalın sərgüzəşti ” tamaşası balaca izləyicilərdə xoş ovqat yaradıb.
İstirahətin sonuncu günündə uşaqlar arasında bilik yarışı keçirilib. Sonda qaliblərə oxunması zəruri olan kitablar, digər iştirkaçılara isə Azərbaycan xalq nağılları, şeirlər yazılmış cd-lər təqdim olunub.
Cavid Səfərli