Naxçıvan şəhəri payız-qış mövsümünə hazırlaşır - VİDEO

NUHÇIXAN İnformasiya Agentliyi xəbər verir ki, hazırda Naxçıvan şəhərinin istilik, qaz, elektrik, rabitə və digər xidmət sahələrində payız-qış mövsümünə hazırlıq aparılır. İstilik təsərrüfatında çatışmazlıqlar aradan qaldırılır, qazanxanaların təbii qazla yanaşı mazut və dizel yanacağı ilə işləyə bilməsi təmin olunur.  Fasiləsiz işləməsinin təmin olunması məqsədilə mərkəzləşdirilmiş və fərdi qazanxanalara texniki baxış keçirilib, elektrik, təbii qaz, su və istilik xətləri təmir edilib.

Qeyd edək ki, payız-qış mövsümündə Naxçıvan şəhərində 5 mərkəzləşdirilmiş, 38 fərdi qazanxana vasitəsilə 173 yaşayış binasında 7634 mənzil və 30 inzibati bina istiliklə təmin olunacaq.

NUHÇIXAN İnformasiya Agentliyi Naxçıvan televiziyasının  əməkdaşlarının mövzu ilə bağlı hazırladığı videomaterialı təqdim edir:

Əbülfəz Dünyamalıyev