Naxçıvanda keçirilən yarmarkaya 100 tondan artıq məhsul çıxarılıb - FOTOLAR
NUHÇIXAN İnformasiya Agentliyi xəbər verir ki, Naxçıvan şəhərinin Xətai küçəsindəki Mərkəzi Bazarda kənd təsərrüfatı məhsullarının növbəti satış yarmarkası təşkil olunub.
Bu gün keçirilən növbəti yarmarkaya 21 istehsal müəssisəsi və 300-ə yaxın ailə təsərrüfatçısı tərəfindən 167 çeşiddə 100 tondan artıq keyfiyyətli məhsullar çıxarılıb.
Mövsümlə əlaqədar daha çox gündəlik ərzaq və tələbat malları, xüsusilə də kənd təsərrüfatı məhsulları çoxluq təşkil edib. Yarmarkada sənaye mallarının satışı üçün ayrıca bölmə yaradıldıqdan sonra satış yerlərinin sayı 395-ə çatdırılıb.
Sənaye bölməsində muxtar respublikamızda müxtəlif dövlət və özəl qurumlar tərəfindən istehsal olunan ərzaqlar, ət və ət məhsulları, broyler fabriklərinin istehsalı olan toyuqlar, mineral sular və digər məhsullar satışa çıxarılıb
Məhəmməd Fərəcov