“Ən yaxşı könüllü komanda kuboku” uğrunda əyləncəli-etnoqrafik kvest yarışı keçirildi - FOTOLAR
NUHÇIXAN İnformasiya Agentliyi xəbər verir ki, yarış muxtar respublikada fəaliyyət göstərən könüllülər arasında keçirilib. Gənclər Fondu, Gənclər və İdman Nazirliyi, Sədərək və Şahbuz rayonlarından sosial, ekologiya, turizm könüllülərdən təşkil olunmuş 8 komanda mübarizə aparıb. 6 mərhələdən ibarət yarışmada könüllülər fiziki, məntiq, bilik və bacarıq mübarizəsinə qatılıb, mürəkkəb tapşırıqlarda güc və dözümlülüklərini sınağa çəkiblər.
Birinci yerin qalibi olan “Naxçıvan Gənclər Fondu könüllüləri komandasına “Ən Yaxşı Könüllü Komanda Kuboku” və 200 manat dəyərində hədiyyə kuponu, II yerə çıxmış “Naxçıvan Gənclər Fondu könüllüləri komandası” 100, III yeri tutmuş “Sədərək könüllüləri komandası” isə 50 manat dəyərində hədiyyə kuponu ilə mükafatlandırılıblar.
Mədinə Rəhimli