"Zərif əllər" sərgisinə baxış olub - FOTOLAR

Naxçıvanın 2018-ci il üçün  İslam Mədəniyyətinin  Paytaxtı seçilməsi ilə əlaqədar olaraq Naxçıvan Şəhər  Uşaq Musiqi və İncəsənət Məktəbində “Zərif əllər” adlı sərgi təşkil edilib. NUHÇIXAN xəbər verir ki, sərgidə Naxçıvan şəhər, Bəbək, Ordubad, Culfa və Şahbuz  rayonlarında fəaliyyət göstərən  mədəniyyət müəssisələri işçilərinin və dərnək üzvlərinin  hazırladığı  205 əl işi nümayiş olunub.

Qeyd edilib ki, muxtar respublikada  xalq sənətinin və yaradıcılığının ağacişləmə, xalçaçılıq, papaqçılıq, toxuculuq, zərgərlik, dülgərlik və başqa qədim sahələri bu gün də yaşayır və gələcək nəsillərə ötürülür. Bugünkü sərgidə nümayiş olunan əl işləri də bütün busənət növlərini özündə əks etdirir.

Sonra sərgiyə baxış olub. İştirakçılar keçmişimizi özündə əks etdirən tarixi abidələrin rəsmləri, müxtəlif milli geyimlər, natürmortlar, mənzərə janrında çəkilən rəsmlərə baxıblar. Naxçıvan şəhərinin  İslam Mədəniyyətinin  Paytaxtı seçilməsi ilə əlaqədar  hazırlanan loqotip sərgidə diqqət çəkən əl işlərindən olub.

Mədinə Rəhimli