Texniki Peşə və Sürücülük Məktəbində təhsil alan 50 müdavimə sertifikat verildi
NUHÇIXAN İnformasiya Agentliyi xəbər verir ki, bu ilin ötən dövründə 418 müdavim kursu başa vuraraq sertifikat alıb. Daha 50 müdavimə sertifikatların verilməsi münasibətilə keçirilən tədbirdə Naxçıvan Muxtar Respublikası Təhsil Nazirliyinin əməkdaşı Vüsal Abdullayev bildirib ki, “2016-2020-ci illərdə Naxçıvan Muxtar Respublikasında əhalinin məşğulluğunun artırılması üzrə Dövlət Proqramı”nın icrası ilə əlaqədar rəqabətqabiliyyətli ixtisaslar üzrə peşə hazırlığının təşkili, peşə standartlarının tətbiqi və peşə seçiminə köməklik məqsədilə ardıcıl tədbirlər həyata keçirilir. Naxçıvan Texniki Peşə və Sürücülük Məktəbində də bu məqamlara xüsusi diqqət yetirilir.
Bildirilib ki, Naxçıvan Texniki-Peşə və Sürücülük Məktəb Kompleksini 2010-cu ildən 20 mindən artıq müdavim bitirib. Bunun 1500-dən çoxu qadınlar olub. Hazırda 12 qrupda dərslər davam etdirilir. Yaxın günlərdə yeni qrupların da açılması nəzərdə tutulub.
Hafizə Əliyeva