Bu il Babək rayonunda 59 yeni iş yeri yaradılıb

Babək Rayon Statistika İdarəsindən NUHÇIXAN İnformasiya Agentliyinə bildirilib ki, 2020-ci ilin yanvar-sentyabr aylarında rayonda 59 yeni iş yeri yaradılıb.  Bu ilin yanvar-avqust aylarında orta aylıq əməkhaqqının məbləği 489,1 manat təşkil edib ki, bu da 2019- cu ilin müvafiq dövründəki göstəricidən 12,6 faiz çoxdur.

Qeyd edək ki, Naxçıvan Muxtar Respublikası Ali Məclisi Sədrinin 2016-cı il 11 yanvar tarixli Sərəncamı ilə təsdiq edilmiş “2016-2020-ci illərdə Naxçıvan Muxtar Respublikasında əhalinin məşğulluğunun artırılması üzrə Dövlət Proqramı”nın icrası rayonda işaxtaranların sosial müdafiəsinin gücləndirilməsinə, əmək bazarının tələbinə uyğun peşə hazırlığının təşkilinə geniş imkanlar yaradıb.