Arazboyu ərazilərdə monitorinq keçirilib - FOTOLAR

NUHÇIXAN  İnformasiya Agentliyi xəbər verir ki, Naxçıvan Muxtar Respublikası Baytarlıq Xidmətinin əməkdaşları  tərəfindən  Sədərək rayonu ərazisində, Arazboyu və Şirarxı kanalının ətrafında aparılan monitoriq zamanı ərazi xüsusi məhlulla dezinfeksiya olunub.

Monitorinq zamanı xidmətin əməkdaşları payız-qış mövsümündə yad ölkələrdən uçub gələn quşların respublikamızda törədə biləcəyi xəstəliklər barədə maarifləndirici söhbət aparıblar. Qeyd olunub ki,  köçəri quşlarda müəyyən xəstəliklərin ev heyvanlarına və ev quşlarına keçməsi hallarının baş verməməsi  üçün əvvəlcədən profilaktik məqsədlə muxtar respublikanın çay və göllərində monitorinqlər həyata keçirilir. Həmin sahələrdə hər hansı səbəbdən tələf olan quş və heyvanlar aşkar olunarsa,  cəsədlər götürülərək baytarlıq laboratoriyalarında yoxlanılacaq və ölüm səbəbi aydınlaşdırılaraq təyinatı üzrə tədbirlər həyata keçiriləcək.   

Əraziyə baxış  zamanı xəstə, ölmüş heyvan və quş cəsədləri aşkar edilməyib.

Qeyd edək ki,  payız-qış mövsümündə bu cür monitorinqlər davam etdiriləcək, çöl heyvanlarının və quşların olduğu sahələrdə baytarlıq xidməti tərəfindən profilaktik məqsədlə dezinfeksiya tədbirləri aparılacaq.

Səftər Sadiqov