Qarşıda duran məsələlər müzakirə edilib

NUHÇIXAN xəbər verir ki, Naxçıvan Muxtar Respublikası Səfərbərlik və Hərbi Xidmətə Çağırış üzrə  Dövlət Xidmətində 2018-ci ilin birinci  yarımilində görülən  işlər və qarşıda duran  vəzifələrlə bağlı yığıncaq keçirilib.

Xidmətin rəisi, general-mayor Səxavət Salmanov məruzə edərək bildirib ki, 2018-ci ildə çağrışaqədər gənclərin  ilkin qeydiyyata alınması davam etdirilib. 2002-ci ildə anadan olan  vətəndaşların 2374 nəfəri artıq ilkin hərbi qeydiyyata alınıb.

Səxavət Salmanov qeyd edib ki, 2018-ci ilin birinci yarımilində Səfərbərlik və Hərbi Xidmətə Çağırış üzrə Dövlət Xidmətinə vətəndaşlardan 3494 ərizə və müraciət daxil olub. Onlardan 3463-ü müsbət həll olunaraq vaxtında icra edilib. 31 ərizə əsassız hesab edilərək vətəndaşlara izahatı verilib.

 Xidmət rəisi vurğulayıb ki, Naxçıvan MR Ali Məclisinin beşinci  çağırış 8-ci sessiyasında Səfərbərlik və Hərbi Xidmətə Çağırış üzrə  Dövlət Xidmətinə də bir sıra tapşırıqlar verilib. Bu tapşırıqlar vaxtında yerinə yetiriləcək.

Sonra məruzə ətrafında çıxışlar dinlənilib.

                                            Novruz Məmmədov