Cəhri qəsəbəsindəki “Heydərxanlı” məscidinin inşaat işləri davam edir - FOTOLAR
Babək rayon Cəhri qəsəbəsində yerləşən məscid sosializmin uzun illər dini abidələrə olan etinasızlığı və dağıdıcı təsiri ucbatından yarımuçuq və qəzalı vəziyyətə düşmüşdü. NUHÇIXAN İnformasiya Agentliyi xəbər verir ki, digər tarixi və mədəni abidələrimiz kimi “Heydərxanlı” məscidinə də ikinci həyat verilir, məscid orijinal üslubu saxlanılmaqla yenidən qurulur.
18 metr hündürlüyündə olacaq minarənin hörgü işləri də tamamlanmaq üzrədir. 1000 kvadratmetrlik ərazidə aparılan tikinti-quraşdırma işlərində məsciddən əlavə dəstəmaz almaq üçün köməkçi tikili də var. Tikinti-bərpa işləri bitdikdən sonra məscidin ətrafında abadlıq işlərinin də aparılması planlaşdırılıb.
Xosrov İbrahimov