Naxçıvan hərbçiləri Zəfər paradında keçid edib - VİDEO

44 günlük qalibiyyətli Vətən müharibəsində torpaqlarımızı işğaldan azad edən ordumuz şanlı Zəfərini bu gün Bakının Azadlıq meydanından dünyaya nümayiş etdirdi.

NUHÇIXAN İnformasiya Agentliyi xəbər verir ki, Zəfər paradında polkovnik Səid İsayevin başçılıq etdiyi Naxçıvan Əlahiddə Ümumqoşun Ordusunun Xüsusi Təyinatlıları və ilk dəfə olaraq general-mayor Məhəmməd Həsənovun başçılıq etdiyi Heydər Əliyev adına Hərbi Liseyin kursantları da keçid edib.

Parad Azərbaycan Respublikasının Prezidenti, Ali Baş Komandan İlham Əliyev, Türkiyə Prezidenti Rəcəb Tayyib Ərdoğan, digər dövlət və hökumət nümayəndələri tərəfindən izlənilib.

Qeyd edək ki, Qələbəyə həsr olunan hərbi paradda Azərbaycan Silahlı Qüvvələrinin 3000 nəfərdən çox şəxsi heyəti, 150-dək hərbi texnika, o cümlədən silahlanmaya yeni qəbul edilən müasir hərbi texnika, raket və artilleriya qurğuları, hava hücumundan müdafiə sistemləri, hərbi gəmi və katerlər, eləcə də Ordumuzun düşməndən ələ keçirdiyi hərbi qənimətlərin bir qismi də nümayiş olunub.