“Cəsur döyüşçü” medalı ilə təltif olunan Amin Gülməmmədov doğulduğu Saltaq kəndində torpağa tapşırıldı - VİDEO

Amin Gülməmmədov Naxçıvan şəhərindəki Heydər Əliyev adına Hərbi liseyi bitirdikdən sonra Bakıdakı Ali Hərbi məktəbə daxil olub. Yüksək hərbi biliklərə yiyələnən şəhid Amin Gülməmmədov nümunəvi xidməti ilə seçilib. Nümunəvi xidməti onu Qarabağ döyüşlərində də fərqləndirib. Füzulinin, Hadrutun, Cəbrayılın, Xocavəndin işğaldan azad olunması uğrunda rəşadətlə vuruşub və şəhidlik məqamına yüksəlib. Azərbaycan Respublikası ərazilərinin işğaldan azad olunması zamanı döyüş tapşırıqlarını uğurla yerinə yetirən, düşmənin əsas qruplaşmalarını və texnikasını məhv etməklə qoşunlarımızın döyüş qabiliyyətinin qorunub saxlanılmasında fərqlənən Gülməmmədov Amin Mais oğlu Prezident İlham Əliyevin sərəncamı ilə “Cəsur döyüşçü” medalı ilə təltif edilib.  

                                                              Adilə Səfərova