Naxçıvanda gənclər güzəştli ipoteka şərtləri ilə mənzil sahibi olurlar - VİDEO

Mənzil insan həyatında vacib amildir. Gənc yaşda arzusunda olduğu mənzilin sahibi olmaq və rahat həyatı təmin etmək isə daha mühüm məsələdir. Muxtar respublikada bu sahədə həyata keçirilən layihələr gənc ailələrin mənzil arzularını reallığa çevirir. Son illər Naxçıvan şəhərində geniş ərazini əhatə edən gənclər yaşayış kompleksləri tikilib istifadəyə verilib, mövcud yaşayış binaları müasir standartlara uyğun yenidən qurulub. Ötən dövr ərzində muxtar respublikada onlarla yaşayış binası əsaslı təmir olunub, mənzillərin sahəsi genişləndirilib, binaların əksəriyyətinin təməli möhkəmləndirilərək əlavə mərtəbələr artırılıb, binalarda müasir kommunikasiya xətləri quraşdırılıb. Bu işlər təkcə paytaxt şəhərdə deyil, muxtar respublikanın rayonlarında da geniş vüsət alıb. Şərur, Babək, Ordubad, Kəngərli, Şahbuz, Sədərək rayonlarında yeni yaşayış binaları tikilərək sakinlərin istifadəsinə verilib.

NUHÇIXAN İnformasiya Agentliyi Naxçıvan televiziyasının əməkdaşlarının mövzu ilə bağlı hazırladığı videomaterialı təqdim edir:

Mahmud Hüseyov