Məktəblilərdən maraqlı aksiya - Quş yuvaları hazırlayaraq ağaclardan asdılar - FOTOLAR
NUHÇIXAN İnformasiya Agentliyi xəbər verir ki, məktəblilərin qış tətilinin səmərəli keçirilməsi üçün Naxçıvan Muxtar Respublikası Ekoloji Tərbiyə Mərkəzinin dərnək üzvləri “Təbiəti qoruyaq” devizi altında aksiya keçiriblər.
Keçirilən aksiya zamanı dərnək üzvləri quş yuvaları hazırlayaraq ağaclardan asıblar. Bu işdə onların ən böyük dəstəkçiləri isə müəllimlər olub. Məktəblilər hazırladıqları quş yuvalarını yemlə təmin edərək Ekoloji Tərbiyə Mərkəzinin həyətindəki ağaclara bərkidiblər.