Jurnalistlər Füzuli-Hadrut avtomobil yolunda görülən işlərlə tanış olublar
Martın 17-də media nümayəndələri işğaldan azad olunmuş Füzuli rayonuna səfər çərçivəsində iki gün öncə Prezident İlham Əliyev tərəfindən təməli qoyulan Füzuli-Hadrut avtomobil yolunda görülən işlərlə tanış olublar.
NUHÇIXAN İnformasiya Agentliyi xəbər verir ki, bu yol başlanğıcını Zəfər yolundan götürür və yeni inşa ediləcək Hadrut-Cəbrayıl-Şükürbəyli avtomobil yoluna birləşir. Uzunluğu 13 kilometr olan bu yol 4 hərəkət zolaqlı olacaq. Yol boyunca avtomobil körpüləri inşa ediləcək.
Qeyd edək ki, martın 17-də media nümayəndələrinin işğaldan azad edilmiş Füzuli və Xocavənd rayonlarına səfəri təşkil olunub.
Səfər davam edir.