Müharibədən sonra Azərbaycanda 15 mina partlayışı olub, 14 nəfər həlak olub

Vətən müharibəsindən sonra Azərbaycan ərazisində mina partlayışı ilə bağlı 15 hadisə baş verib.

NUHÇIXAN İnformasiya Agentliyinin məlumatına görə, bunu Baş prokurorun xüsusi tapşırıqlar üzrə köməkçisi Mahir Abbasov deyib.

O qeyd edib ki, hadisə nəticəsində 14 nəfər mülki şəxs ölüb, 16 nəfər isə müxtəlif xəsarətlər alıb: "Ermənistan silahlı qüvvələri tərəfindən Azərbaycan vətəndaşlarına qarşı təcavüzkar müharibə aparılır. Vətən müharibəsi başlanandan indiyə qədər 109 şəxs qəsdən öldürülüb, 470 şəxs zərərçəkmiş şəxs kimi tanınıb. Ümumilikdə, bu vaxta qədər 8 500 nəfər zərərçəkmiş şəxs qismində tanınıb. Bunlar həm xəsarət alanlar, həm də mülklərinə ziyan dəymiş şəxslərdir. Mina partlaması nəticəsində xəsarət alanlardan 4 nəfər Minatəmizləmə Agentliyinin üzvləridir".