Mutsuko Haseqava: “Əgər Azərbaycana səfər edəcəksinizsə, biz tövsiyə edirik ki, Naxçıvana səfər edin” - FOTOLAR

A- A A+

NUHÇIXAN xəbər verir ki, Yaponiya vətəndaşları Ucidate Saki və Mutsuko Haseqava 28-29 iyul tarixlərində Naxçıvan Muxtar Respublikasında səfərdə olublar. Muxtar respublikada olduqları iki gün ərzində onlar Əlincəqalanı, Qazançı körpüsünü, Möminə xatın və Yusif Küseyir oğlu türbələrini, Naxçıvanqalanı, Dövlət Xalça Muzeyini, Duzdağı, Qarabağlar Türbə Kompleksini və “Əshabi-Kəhf Ziyarətgahı” Dini-Mədəni Abidə Kompleksini ziyarət etmişlər. Muxtar respublikanın dağ kəndlərinə çəkilmiş yollar, Naxçıvan şəhərinin təmizliyi, xüsusilə tarixi abidələrin bərpası Yaponiya vətəndaşlarında böyük təəssürat yaradıb.

Ölkələrinə qayıtdıqdan sonra Mutsuko Haseqava öz “Facebook” sosial şəbəkəsində Naxçıvan Muxtar Respublikası barədə fotoşəkillər yerləşdirərək “Azərbaycanın gizli xəzinəsinə ekskursiya” başlıqlı yazı paylaşmışdır. Həmçinin o, muxtar respublika ilə bağlı hazırlanmış yeni videoçarxı da “Youtube” sosial şəbəkəsində yerləşdirilib.

“Azərbaycanın gizli xəzinəsinə ekskursiya” adlı paylaşımında Mutsuko Haseqava yazır: “Azərbaycanın tərkib hissəsi olan Naxçıvan Muxtar Respublikası Ermənistan, İran və Türkiyə ilə sərhəddir. Mən ilk dəfə idi ki, Naxçıvana səfər edirdim. Lakin Naxçıvan təsəvvür etdiyimdən də gözəl yer, zəngin mədəni irsə malik olan diyardır. Əhalisi XIX-XX əsrlərdə baş vermiş çaxnaşmalara qalib gəlib. Hazırda özlərinin tarixi irslərini barpa edirlər. Əgər Azərbaycana səfər edəcəksinizsə, biz tövsiyə edirik ki, Naxçıvana səfər edin”.

Digər xəbərlər

Xəbərin mətnində orfoqrafik səhv var

Seçilən mətn düzəliş üçün göndəriləcək: