Naxçıvanda Polis Məktəbinin tikintisi davam etdirilir - FOTOLAR
NUHÇIXAN xəbər verir ki, Naxçıvanda regional yun və boyaq bitkilərinin tədarükü məntəqəsi və xalça istehsalı müəssisəsi tikilir. Bununla yanaşı polis məktəbinin tikintisi də davam etdirilir.
Regional yun və boyaq bitkilərinin tədarükü məntəqəsi və xalça istehsalı müəssisəsində inşa olunan birinci binada yun qəbul olunacaq, yuyulacaq, boyanacaq və xalça toxunması üçün istehsalat sahəsinə veriləcək. Burada xalça istehsalı sahəsində ən müasir avadanlıqlar quraşdırılacaq və keyfiyyətli xalça toxunması üçün hərtərəfli şərait yaradılacaq.
May ayından Naxçıvan şəhərində polis məktəbi üçün bina tikilir. Məktəb kompleksində tədris korpusu, qərargah, yeməkxana və yataqxana binaları inşa olunur.
İkimərtəbəli olacaq tədris korpusunda orta ixtisas təhsilli polis əməkdaşlarının hazırlanması üçün ən müasir şərait yaradılacaq. Hazırda tədris korpusunun 2-ci mərtəbəsində qəlib işləri görülür. Yataqxana binası 133 yerlik olacaq.
Əbülfəz Dünyamalıyev