“Batabat yaylağı” ərazisində dərmanlama işləri aparılıb - FOTOLAR

Muxtar respublikada yaşıllıqların artırılması ilə yanaşı, qorunması, onlara aqrotexniki qulluq göstərilməsi diqqətdə saxlanılır. 

NUHÇIXAN İnformasiya Agentliyi xəbər verir ki, bu məqsədlə  Ekologiya və Təbii Sərvətlər Nazirliyi tərəfindən  mütəmadi  ağac və kol cinslərində ziyanvericilərə  qarşı dərmanlama işləri aparılır. Növbəti tədbir Şahbuz rayonunda “Batabat yaylağı” ərazisində yerləşən Şahbuz Dövlət Təbiət Qoruğu  ərazisində  və Ağbulaq İstirahət Mərkəzinə gedən yolun kənarlarında keçirilib. Tədbir iştirakçıları bu ərazidəki   ağac və kolların ziyanvericilərdən qorunması məqsədilə dərmanlama işi aparıblar. 

Hafizə Əliyeva