Naxçıvanlı həkimlərin elmi ixtirası Londonda diploma layiq görülüb

NUHÇIXAN İnformasiya Agentliyi xəbər verir ki, Naxçıvan Muxtar Respublika Xəstəxanasının Oftalmologiya şöbəsinin həkim-oftalmoloqu Rəhmiyyə Əliyevanın və bacısı, M.C.Cavadzadə adına Respublika Klinik Uroloji Xəstəxanasının həkim-uroloqu Gövhər Əliyevanın “COVİD – 19-un azitromicin və rifampicinlə müalicəsinin mümkünlüyü haqqında” adlı elmi ixtira-məqalələri Londonda keçirilən Avropa Elmi Araşdırmalar (ixtiralar) Cəmiyyətinin “Elmdə, təhsildə, texnologiyalarda innovasiyalar” adlı elmi-praktik konfransında diploma layiq görülüb.

Sənəddə qeyd edilir ki, verilən diplom bu elmi ixtira-məqalənin müəlliflərinin yüksək peşəkarlığını təsdiqləyir. Məqalə Londonda çıxan “Avropa Elmi Araşdırmalar (ixtiralar), elmdə, təhsildə və texnologiyada innovasiyalar” jurnalında da dərc edilib.

Müəlliflərin “COVİD – 19 zamanı müştərək orqan çatışmazlığını əmələ gətirən səbəblər” adlı ikinci elmi ixtira-məqalələri isə Avropa Elmi Araşdırmalar (ixtiralar) Cəmiyyətinin bu il yanvarın 12-13-də keçirilən “Elmdə, təhsildə, texnologiyalarda innovasiyalar” adlı 69-cu elmi-praktik konfransında diploma layiq görülüb. Yüksək peşəkarlığına görə fərqlənən bu elmi məqalə isə “European ressearch” jurnalının birinci nömrəsində dərc edilib.

                                                                            “Nuh yurdu” qəzeti