Şərur rayonunda 300 həmişəyaşıl ağac əkilib - FOTOLAR
NUHÇIXAN İnformasiya Agentliyi xəbər verir ki, Şərur rayonunda növbəti yaşıllaşdırma aksiyası keçirilib.
Şərur şəhərinin girişində avtomobil yollarının kənarlarına və şəhərin Heydər Əliyev prospektində səkilərin müvafiq hissələrinə 300 həmişəyaşıl ağac əkilib. Həmin ərazilərə su xətləri çəkilib, ağacların damcı üsulu ilə suvarılması təmin edilib.
Qeyd edək ki, Şərur rayonunda aparılan yaşıllaşdırma tədbirləri çərçivəsində cari ilin ötən dövründə 1500-ə yaxın həmişəyaşıl, 1700 meşə, 1560 meyvə və 34 minə yaxın mövsümi gül və bəzək kolları əkilib.
Mədinə Rəhimli