Qazanxanalar qışa hazırlanır - FOTOLAR
Naxçıvan şəhərinin İstilik Təsərrüfatı İdarəsi qış mövsümünə hazırlaşır. NUHÇIXAN xəbər verir ki, hazırda mərkəzləşdirilmiş və fərdi qazanxanalarda müvafiq işlər aparılır.
Naxçıvan şəhərində 2018-2019-cı ilin payız-qış mövsümünə hazırlıqla əlaqədar olaraq bütün qazanxanalara və istilik şəbəkəsi obyektlərinə baxış keçirilir, mərkəzləşdirilmiş qazanxanalarda cari təmir işləri aparılır, sıradan çıxmış mühərriklər yenisi ilə əvəz edilir, elektrik və qaz xətləri yoxlanılır. İstismar müddəti başa çatan borular və siyirtmələr yeniləri ilə əvəz olunub. Hazırda şəhərdəki 5 mərkəzləşdirilmiş qazanxanada qazanların ərpdən təmizlənməsi işləri görülür. Fərdi qazanxanalarda da qazanlar hissdən təmizlənir, elektrik sistemləri yenilənir. Bir neçəsində isə qış mövsümünə hazırlıq məqsədi ilə ehtiyac olan yerlərdə təmir işləri aparılır.
Naxçıvan şəhərinin yollarında asfalt örtüyünün yenilənməsi ilə əlaqədar olaraq qazanxanaların yollardan keçən mərkəzi xətləri də yeni plastik borularla əvəz olunur.
Vüsal Muradov