Zaqatalada zəlzələ qeydə alınıb
Avqustun 18-də Zaqatala seysmoloji stansiyasından 15 kilometr cənub-qərbdə, Zaqatala rayonunda zəlzələ baş verib.
Azərbaycan Milli Elmlər Akademiyası nəzdində Respublika Seysmoloji Xidmət Mərkəzindən NUHÇIXAN İnformasiya Agentliyinə bildirilib ki, yeraltı təkanlar yerli vaxtla saat 13:37-də qeydə alınıb.
Ocağı 11 kilometr dərinlikdə yerləşən zəlzələnin maqnitudası 2.8-ə bərabər olub. Yeraltı təkanlar bəzi sakinlər tərəfindən hiss olunub.