Naxçıvan şəhərində növbəti şənbə konserti olacaq
NUHÇIXAN xəbər verir ki, avqustun 18-i saat 20:00-da Naxçıvan şəhərindəki Saat Meydanında konsert proqramı olacaq. Naxçıvan Muxtar Respublikası Mədəniyyət Nazirliyinin “Naxçıvan İslam Mədəniyyətinin paytaxtı – 2018” devizi altında təşkil etdiyi konsertdə Naxçıvan Dövlət Filarmoniyasının mahnı və rəqs ansamblı çıxış edəcək. Kollektivin repertuarına yeni mahnılar və maraqlı musiqi nömrələri daxil edilib. Həftə sonunda mənalı istirahət etmək istəyən hər kəs-şəhərimizin sakinləri və qonaqları konsert proqramını izləyə bilərlər.