Kənd təsərrüfatı məhsullarının növbəti satış yarmarkası keçirilib - FOTOLAR
NUHÇIXAN xəbər verir ki, Kəngərli rayonunda kənd təsərrüfatı və yerli istehsal məhsullarının növbəti satış yarmarkası təşkil olunub.
Yarmarkada 70 adda 8 tondan artıq müxtəlif çeşiddə kənd təsərrüfatı məhsulları satşa çıxarılıb. Satışa çıxarılan məhsulların qiyməti digər ticarət obyektlərinə nisbətən 15-20 faiz ucuz olub.
Qeyd edək ki, bu gün Naxçıvan şəhərində də kənd təsərrüfatı və yerli istehsal məhsullarının növbəti satış yarmarkası keçirilib. Keçirilən yarmarkada Naxçıvan şəhərindən, Şərur, Babək, Ordubad, Culfa və digər rayonlardan müxtəlif kənd təsərrüfatı məhsulları gətirilib.
Bu cür yarmarkaların keçirilməsində məqsəd torpaq mülkiyyətçilərinin istehsal etdikləri məhsulların rahat şəkildə bazara çıxarılmasına şərait yaratmaq və süni qiymət artımının qarşısını almaqdır.
Sadiq Məmmədov