Muxtar respublikada virus əleyhinə qabaqlayıcı profilaktik tədbirlər davam etdirilir - VİDEO

Naxçıvan şəhərində və muxtar respublikanın rayonlarında yoluxucu xəstəliklərin, infeksiyaların yayılmasının qarşısının alınması məqsədilə tibbi-profilaktik, dezinfeksiyaedici tədbirlər bu gün də icra edilib.

Əhalinin sağlamlığının qorunması sahəsində həyata keçirilən tədbirlərin davamı olaraq bu gün Naxçıvan şəhərində tibbi-profilaktik və dezinfeksiya işləri aparılıb. Dərmanlama tədbirləri Heydər Əliyev prospektini, Naxçıvan şəhərində yerləşən inzibati binaları, hərbi hissələri, sərhəd zastavasını, mülki müdafiə alayını, Naxçıvan Dövlət Musiqili Dram Teatrını, Naxçıvan şəhər Gömrük İdarəsini, yaşayış binalarını və digər əraziləri əhatə edib.

Ümumilikdə, bu gün Naxçıvan şəhərində 890 min kvadratmetrdən çox ərazidə dezinfeksiya işləri icra edilib.

Naxçıvan televiziyasının əməkdaşları mövzu ilə bağlı videomaterial hazırlayıblar.

NUHÇIXAN İnformasiya Agentliyi həmin videomaterialı təqdim edir:

Röyal Kərimov