Naxçıvan şəhərində payız-qış mövsümünə hazırlıq işlərinə başlanılıb - VİDEO
Naxçıvan Muxtar Respublikasında 2021-2022-ci illərin payız-qış mövsümünə hazırlıq və qarşıda duran vəzifələrlə əlaqədar keçirilən müşavirədə verilmiş tapşırıqlar Naxçıvan şəhərində icra olunur.
Hazırda Naxçıvan şəhərinin istilik, qaz, elektrik, rabitə və digər xidmət sahələrində payız-qış mövsümünə hazırlıq aparılır. İstilik təsərrüfatında həlli vacib işlər görülür, qazanxanaların təbii qazla yanaşı, mazut və dizel yanacağı ilə işləyə bilməsi üçün lazımi işlər görülür. Mərkəzləşdirilmiş və fərdi qazanxanalara texniki baxış keçirilir, elektrik, təbii qaz, su və istilik xətləri təmir edilir, istismara yararsız xətlər yeniləri ilə əvəz olunur, ehtiyac duyulan yerlərdə təmir işləri davam etdirilir. Naxçıvan şəhərindəki 125 nömrəli fərdi qazanxanada və Əliabad qəsəbəsindəki 141 nömrəli mərkəzi qazanxanada da mövsümə hazırlıq işləri sürətlənib.
Naxçıvan televiziyasının əməkdaşları mövzu ilə bağlı videomaterial hazırlayıblar.
NUHÇIXAN İnformasiya Agentliyi həmin videomaterialı təqdim edir:
Məhəmməd Fərəcov