Muxtar respublikada soyuducu anbarlara bu günədək 10 tonadək alma məhsulu tədarük edilib - VİDEO
Muxtar respublikada əhalinin keyfiyyətli meyvə-tərəvəz məhsulları ilə təmin olunmasında soyuducu anbarların mühüm rolu var. Çünki bu anbarların gücündən tam istifadə olunmaqla bazarda bolluq yaradılır, ilin bütün fəsillərində davamlı olaraq daxili bazarı ekoloji cəhətdən sağlam meyvə-tərəvəzlə təmin edilir. İqtisadiyyat Nazirliyinin təşkilatçılığı ilə iyulun 15-dən başlayaraq meyvə-tərəvəz məhsullarının tədarükü, saxlanılması və satışı üzrə soyuducu anbarlara məhsul qəbulu aparılır. Alma məhsulunun tədarükü 3 növdə həyata keçirilir. 1-ci növdə olan alma məhsulu 80 qəpik, 2-ci növ alma məhsulu 50, qarışıq növdə olan alma məhsulunun tədarükü isə 60 qəpikdən alınır. Hələlik 10 tonadək alma tədarük olunub.
NUHÇIXAN İnformasiya Agentliyi Naxçıvan televiziyasının mövzu ilə bağlı hazırladığı videomaterialı təqdim edir:
Hafizə Əliyeva