Ordu xalqın xalq ordunun dayağıdır
Azərbaycan Respublikasının güclü dövlətçiliyinin göstəricilərindən olan ordu cəmiyyətin tərkib hissəsi kimi həmişə hörmətlə əhatələnib. Ordu ictimai münasibətlərin əsasında dövlətçiliyə sevgi, dövlətə sədaqət dayanır. Xalq ordusuna inanır, ordu xalqa güvənir. Beləki, 44 günlük Vətən müharibəsində Azərbaycan xalqının Azərbaycan dövlətçiliyinə, Azərbaycan ordusuna göstərdiyi mənəvi kömək ordu ilə xalqı bir vəhdətdə birləşməsini təmin etdi. Sərhəddə düşmən ilə üz-üzə dayanan, döyüş meydanında düşməni amansızcasına məhv edən Azərbaycan əsgəri, Azərbaycan zabiti xalqdan aldığı birlik və bərabərlik hissi, mənəvi dayaq hissi içərisində gecə və gündüz irəliləyərək həm erməniləri torpaqlarımızdan qovub çıxartdı, həm də 30 ilə yaxın idi ki, düşmən tapdağı altında qalan ərazilərimizi düşməndən azad etdi.
Hərbi andı içib komandirlərini, hərbi hissənin zabitlərini valideynlərini necə xidmət edəcəyinə inandıran Azərbaycan əsgərinin baxışlarından dikələn sevinc, fərəh, qürur aydınlığı sezilir, hiss olunurdu. Və böyük fərəh hissi ilə qeyd etmək istəyirəm ki, 44 günlük Vətən müharibəsində Qarabağ torpaqlarında gedən müharibələr zamanı Azərbaycan Respublikasının Prezidenti, Azərbaycan Silahlı Qüvvələrinin Ali Baş Komandanı cənab İlham Əliyevin müdrik, uzaqgörən siyasəti nəticəsində “Dəmir yumruq” əməliyyatının həyata keçirilməsi, ordu ilə xalqın bir yumruq kimi birləşməsi erməni əsgərinin, erməni zabitinin, bir sözlə erməni terrorçularının başını əzərək torpaqlarımızı işğaldan azad etmiş olduq.
Müharibə zamanı cəbhə bölgəsində vuruşan əsgərin jurnalistlərə verdiyi müsahibədə bildirirdiki, Azərbaycan xalqından orduya olunan mənəvi dəstək bizi ölümsüz edir, vuruşmaq üçün irəliyə getmək düşməni məhv etmək bizdə fərəh hissi yaradır. Biz bu birlikdən güc alaraq 30 ildir ağlayan, öz torpaqları üçün gözü yaşlı qalan ana və bacılarımızın göz yaşlarını silmiş olacağıq.
Hərbi sahədə apardığımız siyasət özünü tam doğrultdu. Azərbaycan ordusu nəyə qadir olduğunu döyüş meydanında təsdiqlədi. Ordumuz əvvəlki ordu deyil. İşğaldan azad etdiyimiz bütün şəhər, qəsəbə və kəndlərimiz yenidən tikilib abadlaşdırılacaq. Ulu Öndər Heydər Əliyevin müstəqil Azərbaycan dövlətinin qurucusu olmaqla yanaşı, həm də müasir Azərbaycan Silahlı Qüvvələrinin baş memarıdır.
Azərbaycan xalqının əzmi və iradəsi, dövlətimizin iqtisadi gücü, müasir ordu quruculuğu və Xalq-Prezident birliyi ölkəmizin qələbəsini təmin edən mühüm amillər oldu. Azərbaycan xalqı Ali Baş Komandan İlham Əliyevin rəhbərliyi ilə qəhrəmanlıq salnaməsi yazdı, xalqla ordunun mənəvi birliyini təmin etdi, özünün qalib xalq olduğunu bütün dünyaya sübut etdi və düşmən üzərində tarixi Zəfər çaldı.
Eşq olsun, Azərbaycan dövlətinə, Yaşasın Azərbaycan əsgəri. Qarabağ Azərbaycandır!
Pərviz Allahverdiyev
Naxçıvan Dövlət Universitetinin müəllimi