Muxtar respublikada sosial qayğıya ehtiyacı olan daha 29 ailə özünüməşğulluğa cəlb olunub

NUHÇIXAN İnformasiya Agentliyi xəbər verir ki,  Əmək və Əhalinin Sosial Müdafiəsi Nazirliyi tərəfindən muxtar respublika üzrə 29 sosial qayğıya ehtiyacı olan ailə müəyyənləşdirilib. 19 nəfərin hər birinə 2 baş iribuynuzlu, 5 nəfərin hər birinə 20 baş xırdabuynuzlu, 1 nəfərə inkubator aparatı, 2 nəfərə mini yerşumlayan aqreqat, 1 nəfərə inkubator və quş tükü təmizləyən aparat, 1 nəfərə isə iaşə xidmətinin göstərilməsi üçün avadanlıqlar verilib. Özünüməşğulluğu təmin edilmiş şəxslərdən 14-nü əlilliyi olan şəxslər, 1-ni şəhid ailəsi üzvü, 1-ni cəzaçəkmə müəssisəsindən azad olunan şəxs, 1-ni isə ailə üzvləri sırasında qazi olan şəxslər təşkil edib.

Həmçinin təsərrüfatlarını nümunəvi şəkildə inkişaf etdirdiyinə görə 1 nəfər həvəsləndirmə tədbirlərinə cəlb edilib və ona arpa-buğda qıran aqreqat verilib.

Qeyd edək ki, sosial qayğıya ehtiyacı olan, habelə məhdud fiziki imkanlı üzvü olan ailələrin özünüməşğulluğa cəlb olunması “2021-2025-ci illərdə Naxçıvan Muxtar Respublikasında əhalinin məşğulluğunun artırılması üzrə Dövlət Proqramı”nın icrasına uyğun olaraq həyata keçirilir.

Mədinə Rəhimli