Dövlət Sərhəd Xidmətinin hərbi qulluqçusu bədbəxt hadisə nəticəsində həlak olub
Noyabrın 4-də saat 17:20 radələrində Dövlət Sərhəd Xidmətinin Sərhəd Qoşunlarının “Qazax” əlahiddə sərhəd diviziyasının xidməti ərazisində keçirilən səhra təlimləri zamanı müddətdən artıq həqiqi hərbi xidmət hərbi qulluqçusu çavuş Əhmədov Tural Əkrəm oğlu AQS-17 silahından atəş açarkən bədbəxt hadisə nəticəsində qəlpə yarası almış, hərbi qulluqçunun təxliyəsi üzrə dərhal tədbirlər görülsə də, həyatını xilas etmək mümkün olmamışdır.
NUHÇIXAN İnformasiya Agentliyi xəbər verir ki, bu barədə Dövlət Sərhəd Xidmətinin və Baş Prokurorluğun yaydığı birgə məlumatında deyilir.
Bildirilir ki, hadisə ilə əlaqədar Dövlət Sərhəd Xidməti və Baş Prokurorluq tərəfindən birgə araşdırma tədbirləri həyata keçirilir.