Şahbuzda “Zəfər bağı” salınıb

NUHÇIXAN İnformasiya Agentliyi xəbər verir ki, bu gün 8 Noyabr Zəfər Günü münasibətilə  Şahbuz rayonunda ağacəkmə kampaniyası keçirilib, yeni "Zəfər bağı" salınıb.  Bu məqsədlə  Kiçikoba kəndində 1,5 hektar ərazidə torpaq sahəsi hamarlanaraq əkinə hazır vəziyyətə gətirilib.  Rayon sakinləri  "Zəfər bağı"na 1200 müxtəlif  meyvə tingləri əkiblər. Bağda digər aqrotexniki tədbirlər də həyata keçirilib, tinglərin gövdəsi ağardılaraq, suvarma tədbirləri görülüb.

Qeyd edək ki, bu ilin  payız aylarında Şahbuz rayonunda 3,5 hektar sahədə  yeni meyvə bağının salınması,  2,2  hektar sahədə isə bərpa məqsədi ilə yeni tinglərin əkilməsi  nəzərdə tutulub.

Novruz Məmmədov