Sağlamlıq imkanları məhdud qonaqların Naxçıvana gəzintisi təşkil olunub - FOTOLAR
Ölkəmizin digər regionlarından olan 100-ə yaxın sağlamlıq imkanları məhdud şəxsin muxtar respublikaya səfəri təşkil olunub.
NUHÇIXAN İnformasiya Agentliyi xəbər verir ki, səfər çərçivəsində qonaqlar üçün ekskursiyalar təşkil olunub, görüşlər keçirilib.
Səfər müddətində qonaqların muxtar respublikanın turizm əhəmiyyətli məkanlarına, o cümlədən Naxçıvan şəhərində yerləşən “Əcəmi” seyrangahında təşkil olunmuş açıq səma altında muzeyə və şərq memarlığı incilərindən olan “Möminə Xatun” türbəsinə ekskursiyası baş tutub. Burada qonaqlara Naxçıvanın qədim tarixi və türbə haqqında ətraflı məlumat verilib.
Sonra qonaqlar “Əshabi-Kəhf” Ziyarətgahı Dini-mədəni Abidə Kompleksini ziyarət ediblər.
Qeyd edək ki, ölkəmizin digər bölgələrindən sağlamlıq imkanları məhdud şəxslərin muxtar respublikada müalicəsi növbəti aylarda da davam etdiriləcək
Xosrov İbrahimov