Doqquz ay ərzində Azərbaycanda 41 mindən çox cütlük nikaha daxil olub

Bu ilin doqquz ayı ərzində Ədliyyə Nazirliyinin rayon (şəhər) qeydiyyat şöbələri tərəfindən 41 min 67 nikah və 12 min 892 boşanma halı qeydə alınıb.

Dövlət Statistika Komitəsindən NUHÇIXAN İnformasiya Agentliyinə bildiriblər ki, əhalinin hər 1000 nəfərinə 2020-ci ilin müvafiq dövrü ilə müqayisədə nikahların sayı 3,5-dan 5,5-ə, boşanmaların sayı isə 1,5-dən 1,7-yə qədər artıb.

Cari ilin yanvar-sentyabr ayları ərzində Daxili İşlər Nazirliyi və Dövlət Miqrasiya Xidmətinin müvafiq qurumları tərəfindən daimi yaşamaq üçün Azərbaycana 1847 nəfər gələn, ölkədən isə 355 nəfər gedən qeydə alınıb. Miqrasiya saldosu müsbət 1492 nəfər təşkil edib.