Aliment ödəməli olan şəxs xarici ölkəyə daimi yaşamaq üçün getdikdə aliment necə tutulur?

Valideynlər uşaqlarını saxlamağa borcludur. Onlar yetkinlik yaşına çatmayan uşaqlarını saxlamaq barədə, “aliment ödənilməsi barədə saziş” bağlamaq hüququna malikdir.

Naxçıvan Muxtar Respublikası Ali Məhkəməsinin mətbuat xidmətindən NUHÇIXAN İnformasiya Agentliyinə  verilən məlumatına görə,  aliment ödəməli olan şəxs xarici ölkəyə daimi yaşamaq üçün getdiyi an o, aliment ödəməli olduğu şəxsə ya alimentin miqdarını tam ödəməyə borcludur və yaxud da qarşı tərəfin ehtiyacına əsasən həmin məbləği hər hansı bir əmlakını vermək şərti ilə də əvəz edə bilər.

Eyni zamanda xarici ölkəyə daimi yaşamaq üçün gedən şəxs qanunla saxlamağa borclu olduğu ailə üzvləri ilə aliment ödənilməsi barədə saziş bağlaya bilər.