Bu günə qədər 20 min hektara yaxın ərazi minalardan təmizlənib - ANAMA rəhbəri
Minalardan təmizlənməmiş əraziyə girərkən bədbəxt hadisələr baş verir. Keçən il noyabr ayından bu günə qədər 20 min hektara yaxın ərazi minalardan təmizlənib.
NUHÇIXAN İnformasiya Agentliyi xəbər verir ki, bu sözləri ANAMA-nın İdarə heyətinin sədri Vüqar Süleymanov deyib.
“Ən çox minalarla çirkləndirilmiş ərazi Füzuli, Ağdam, Tərtər rayonlarıdır. Bizim minalarla ən çox çirklənmiş yerlər təmas xəttidir. Düşmən həmin yerlərdə sıx və tələ minalar basdırıblar“, - deyə o əlavə edib.
Sədr qeyd edib ki, həmin hissələr də minalardan təmizlənir. Ümumiyyətlə minalardan çirklənmə həcminə görə Azərbaycan dünyada ilk yerlərdədir. Düşmən əsasən ikiqat minalardan, tələ məftillərdən istifadə etməklə minalar qoyub.