"Omikron ştamı deltadan daha sürətli yayılır" - ÜST
Koronavirusun omikron ştamı delta ştamından daha sürətli yayılır. NUHÇIXAN İnformasiya Agentliyi xəbər verir ki, bu barədə Ümumdünya Səhiyyə Təşkilatının (ÜST) yaydığı məlumatda bildirilib.
ÜST belə bir qənaətə bu günə qədər mövcud olan məhdud məlumat əsasında gəlib.
“Omikron ştamı Cənubi Afrikada delta variantından daha sürətli yayılır. Bununla belə, Böyük Britaniya kimi delta gərginliyi hallarının sayının daha çox olduğu digər ölkələrdə də omikron daha sürətli yayılır",-deyə məlumatda qeyd olunub.
ÜST-nin məlumatına görə, hazırda 6 region üzrə 63 dövlətdə Omikron variantı müəyyən edilib.