Füzuli rayonunda traktor minaya düşüb
Füzuli rayonunda traktor minaya düşüb.
NUHÇIXAN İnformasiya Agentliyi xəbər verir ki, Baş Prokurorluğun Mətbuat Xidmətindən jurnalistlərə verilən məlumata görə, rayonun işğaldan azad edilmiş Üçbulaq kəndində əkin işləri aparılan zaman traktorun minaya düşməsi ilə bağlı rayon prokurorluğuna məlumat daxil olub.
Nəticədə traktora ziyan dəyib və hər hansı bir şəxs xəsarət almayıb.
Faktla bağlı Füzuli Rayon Prokurorluğunda araşdırma aparılır.