Şərur rayonunda Ümumdünya Vərəmlə Mübarizə Günü qeyd edilib - FOTOLAR

A- A A+

Ümumdünya Səhiyyə Təşkilatının qərarı ilə hər il martın 24-də Ümumdünya Vərəmlə Mübarizə Günü qeyd edilir. NUHÇIXAN İnformasiya Agentliyi xəbər verir ki, bu münasibətlə Şərur rayonunda tədbir keçirilib.

Şərur Rayon Mərkəzi Xəstəxanasında keçirilən seminarda  xəstəxananın baş həkimi  Adəm İmanov rayonda əhalinin sağlamlığının qorunması istiqamətində görülən işlərdən danışıb.

Naxçıvan Muxtar Respublikası Ağciyər  Xəstəlikləri Dispanserinin baş həkimi Günay Quliyeva bildirib ki, muxtar  respublikamızda səhiyyəyə olan diqqət və qayğı vərəmlə mübarizə xidmətinin gücləndirilməsində də öz əksini tapır. Vərəmlə mübarizə üzrə Tədbirlər Proqramının davamlı icrası vərəm əleyhinə müəssisələrin maddi-texniki bazasının gücləndirilməsini, vərəmin müayinə, diaqnostika, müalicə və profilaktikası üzrə yeni müasir üsulların tətbiqini təmin edir.

Qeyd olunub ki,  muxtar  respublikamızda  görülən  qabaqlayıcı  tədbirlər nəticəsində 2000-ci  illə müqayisədə ilkin  xəstə  sayı 2021-ci ildə  4 dəfə azalaraq 39 nəfərə düşüb.

Tədbirdə dispanserin həkimləri Məmmədəli Ələkbərov vərəm xəstəliyinin aşkarlanması strategiyası və İlqar Rzayev uşaq və yeniyetmələrdə vərəm intoksikasiyası barədə məruzə ediblər. Çıxışlarda uşaq və yeniyetmələrdə vərəm intoksikasiyalarının yayılmasının qarşısının alınması, vərəm xəstəliyinin diaqnostikası və müalicəsinin yaxşılaşdırılması, xəstəliklərlə bağlı əlilliyin və ölüm hallarının azaldılması yollarından bəhs olunub. Həmçinin xəstələrin vərəm əleyhinə preparatlarla davamlı təminatı, vərəm əleyhinə xidmətin kadr potensialının gücləndirilməsi, xəstəliyin profilaktikasında ana südünün rolu, dərmanlara davamlı vərəm xəstəliyi, onun yaranma səbəbləri və qarşısının alınması məsələləri barədə də məlumat verilib.

Qeyd edək ki, Vərəmlə  Mübarizə  Gününün  keçirilməsinin  başlıca   məqsədi hər şeydən əvvəl  xəstəlik barəsində   əhalinin   məlumatlılığını  artırmaqdır.

Pediatr və vaksinatorlar ilə birlikdə keçirilən tədbirdə dinləyiciləri maraqlandıran suallar cavablandırılıb və seminar iştirakçılarına  bukletlər paylanılıb.

                                                                     Adilə Səfərova

Digər xəbərlər

Xəbərin mətnində orfoqrafik səhv var

Seçilən mətn düzəliş üçün göndəriləcək: