Daxili Qoşunların gənc əsgərləri hərbi andı qəbul edib - VİDEO
Daxili Qoşunların “Naxçıvan” Əlahiddə Əməliyyat Briqadasında xidmətə yeni qəbul edilmiş əsgərlərin hərbi andiçmə mərasimində əvvəlcə hərbi hissənin döyüş bayrağı sıra meydanına gətirilib.
Mərasimdə ümummilli lider Heydər Əliyevin və torpaqlarımızın azadlığı uğrunda canlarından keçən şəhidlərimizin əziz xatirəsi yad edilib.
Azərbaycan Respublikasının Dövlət Himni səsləndirilib.
Sonra gənc əsgərlər hərbi andı qəbul edərək Azərbaycan Respublikasının mənafeyini, onun suverenliyini, ərazi bütövlüyünü və müstəqilliyini şərəflə qoruyacaqlarına, bundan ötrü canlarını belə əsirgəməyəcəklərinə söz veriblər.
Naxçıvan televiziyasının əməkdaşları mövzu ilə bağlı videomaterial hazırlayıblar.
NUHÇIXAN İnformasiya Agentliyi həmin videomaterialı təqdim edir:
Mahmud Hüseynov