İspaniyada ilk dəfə 3D printerində çap edilmiş diz oynağı implantasiya olunub

Marbelye şəhərində yerləşən “Hospital Ochoa” özəl klinikasında İspaniyada ilk dəfə 3D printerinin köməyi ilə çap edilmiş və pasiyentin dizini tamamilə əvəz edən diz oynağı protezinin quraşdırılması əməliyyatı aparılıb.

NUHÇIXAN xəbər verir ki, klinikanın yaydığı məlumata görə, personallaşdırılma üsulu ilə yaradılmış implantatdan istifadə olunması xəstənin daha yaxşı alışmasına, ağrı və narahatlıq gətirmədən onun anatomiyasına uyğunlaşmasına imkan yaradacaq.

İlk dəfə 12 il əvvəl ABŞ-da tətbiq edilən bu texnikadan Avropada 6 ildir ki, istifadə olunur.