Muxtar respublikada ekologiya könüllülləri təbiətə qayğı nümayiş etdirir - FOTOLAR
NUHÇIXAN İnformasiya Agentliyi xəbər verir ki, ekologiya könüllüləri Uzunoba su anbarının ətrafında təmizlik aksiyası keçirib.
Əvvəlcə könüllülər tədbirin təşkilatçıları tərəfindən ətraflı şəkildə məlumatlandırılıb və keçirilən təmizlik aksiyasının təbiətin mühafizəsi baxımından əhəmiyyətindən danışıblar.
Daha sonra aksiyaya start verilib. Zəruri sanitar ləvazimatlarla təmin olunan gənclər ərazidəki məişət tullantılarını toplayıb, ətrafda səliqə-sahman yaradıblar. Toplanılan tullantılar təmizlik maşınına təhvil verilib və əraziyə yeni təmizlik qutusu yerləşdirilib.
Leyla Cəfərzadə